घराबाहेर ठेवलेल्या चावीने घर फोडी, २ लाख ८२ हजाराचे दागिने व रोख रक्कम लंपास

पुनावळे: पुनावळेत घराबाहेर ठेवलेल्या चावीने घर उघडून घरातून पावणे तीन लाखांचे सोन्या-चांदीचे दागिने आणि रोख रक्कम चोरीला गेली आहे. याप्रकरणी महिलेने अज्ञाताच्या विरोधात शनिवारी (दि. 3) रावेत पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, फिर्यादी यांच्या घराच्या दरवाजाच्या बाहेर ठेवलेल्या चावीने दरवाजा वाटे घरात प्रवेश केला. चोरट्यांनी घरातून 7.8 तोळे सोन्या-चांदीचे दागिने, रोख रक्कम असा एकूण दोन लाख 82 हजार रुपयांचा ऐवज चोरून नेला.

पुढील तपास रावेत पोलीस करीत आहेत.