भोसरीत चोरट्यांचा धुमाकोळ, एक लाख वीस हजार रुपयांचे दागिने लंपास

भोसरी: घराच्या उघड्या दरवाज्यावाटे आत प्रवेश करून अज्ञात चोरट्यांनी एक लाख वीस  हजार रुपयांचे दागिने चोरून नेले. ही घटना सोमवारी (दि.5) सकाळी साडेसात ते साडेआठ या एक तासाच्या कालावधीत गव्हाणे वस्ती भोसरी येथे घडली. याप्रकरणी महिलेने अज्ञात चोरट्याच्या विरोधात भोसरी पोलीस ठाण्यात फिर्याद दिली आहे.

पोलिसांनी दिलेल्या माहितीनुसार, सोमवारी सकाळी फिर्यादी अंघोळीला गेल्या असता त्यांनी घरामध्ये दागिने काढून ठेवले. त्या आंघोळ करून परत आल्या असता त्यांनी काढून ठेवलेले एक लाख वीस हजार रुपये किंमतीचे दागिने चोरीला गेल्याचे उघडकीस आले.

पुढील तपास भोसरी पोलीस करीत आहेत.