पिंपरी येथून बेपत्ता झालेल्या मुलाचा मृतदेह पोलीसांच्या हाती

पिंपरी: पिंपरी येथून गुरुवारी संध्याकाळपासून बेपत्ता असलेल्या मुलाचा मृतदेह भोसरी एमआयडीसी परिसरात शुक्रवारी रात्री मिळाला,अशी माहिती गुन्हे शाखा 1 चे सतीश नांदुरकर यांनी दिली.

पोलिसांनी दिलेल्या माहितीनुसार,आदित्य गजानन ओगले हा मुलगा ग्रीन फील्ड सोसायटी, उद्योगनगर, मासुळकर कॉलनी पिंपरी येथून गुरुवारी सप्टेंबर 8 च्या संध्याकाळी 6.30 पासून बेपत्ता झाला होता.त्याचा मृतदेह भोसरी एमआयडीसी परिसरात एका कंपनीच्या पडक्या इमारतीच्या छतावर सापडला आहे.

पोलिसांनी तांत्रिक तपासात एका संशियाताला ताब्यात घेतले असून त्याच्याकडे कसून चौकशी केली असता आदित्यचा खून झाल्याचे निष्पन्न झाले.

आदित्य हा बेपत्ता झाल्यापासून स्थानिक तपास पथक व गुंडा विरोधी पथक व इतर पथकांनी समांतर तपास केल्यानंतर 29 तासांनी आदित्यचा मृतदेह सापडला आहे.

आदित्यचे वडील गजानन श्रीकांत ओगले (वय 49 रा. पिंपरी) हे बांधकाम व्यावसायिक आहेत.गुरुवारी संध्याकाळी खेळायला गेलेला मुलगा घरी परत आलाच नाही त्यामुळे ओगले दाम्पत्यांनी पोलिसात धाव घेतली होती.पोलिसांनी संशयीताला ताब्यात घेतले असून खून का करण्यात आला याचा तपास सुरु आहे.