राँगसाईडने रिक्षा चालवण पडल महागात, रिक्षा प्रवाशाचा मृत्यु

पुणे: दारुच्या नशेत राँग साईडने रिक्षा चालवून कॅबला धडक दिल्यानंतर रिक्षा उलटल्याने झालेल्या अपघातात रिक्षा प्रवाशाचा मृत्यु झाला.

धरमवीर राधेशाम सिंग (वय ३८, रा.श्रीनगर, वडगाव शेरी) असे मृत्यु पावलेल्या रिक्षा प्रवाशाचे नाव आहे. याबबात कॅबचालक पराग सुनिल शर्मा (वय २८, रा. हॅप्पी इस्टेट, चंदननगर) यांनी येरवडा पोलीस ठाण्यात फिर्याद दिली आहे. त्यावरुन पोलिसांनी जॉन राजू स्वामी (वय ३१, रा. मुळीक कॉम्प्लेक्स, वडगाव शेरी) याच्यावर गुन्हा दाखल केला आहे.

हा प्रकार नगर -पुणे रोडवर आगाखान पॅलेस समोर रविवारी पहाटे पावणे दोन वाजण्याच्या सुमारास घडला.

पोलिसांनी दिलेल्या माहितीनुसार, जॉन स्वामी याने दारु पिऊन त्याच्या नशेत प्रवाशांना घेऊन वडगाव शेरीहून आला होता. रॉंग साईडने भरधाव रिक्षा चालवली. रस्त्याच्या कडेला उभ्या असलेल्या कॅबच्या डाव्या बाजूस धडक दिली. त्यानंतर रिक्षा ही कॅबच्या मागे जाऊन पलटी झाली. त्यामुळे फिर्यादीच्या गाडीचे समोरील डाव्या बाजूचे बंप्पर, हेडलाईट चेंबून तुटून नुकसान झाले. त्याचवेळी रिक्षा पलटी झाल्याने आतील प्रवासी धरमवीर राधेशाम सिंग यांचा मृत्यु झाला. सहायक पोलीस निरीक्षक लमखेडे तपास करीत आहेत.