भोसरी आणि चिंचवड मधून दुचाकी चोरीला, आरोपीविरुद्ध गुन्हा दाखल

पिंपरी – चिंचवड: भोसरी आणि चिंचवडमधून चोरटयांनी दोन दुचाकी चोरून नेल्या. याप्रकरणी शुक्रवारी (दि. 2) संबंधित पोलीस ठाण्यात गुन्हा दाखल करण्यात आला आहे. मनोज मोहन पाटील (41, रा. चिंचवडगाव) यांनी चिंचवड पोलीस ठाण्यात फिर्याद दिली आहे. त्यानुसार, अज्ञात चोरट्यांच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी यांनी गुरुवारी (दि. 1) रात्री साडेदहाच्या सुमारास त्यांची दुचाकी सोसायटीच्या पार्किंगमध्ये पार्क केली होती. दरम्यान, रात्रीच्या वेळी फिर्यादी यांची 20 हजारांची दुचाकी चोरून चोरट्यांनी चोरून नेली. शुक्रवारी सकाळी ही घटना उघडकीस आली.

चिंचवड पोलीस तपास करीत आहेत.

सागर प्रकाश दुधाने (43, रा. पिंपळे सौदागर) यांनी भोसरी पोलीस ठाण्यात फिर्याद दिली आहे.
त्यानुसार, अज्ञातांवर गुन्हा दाखल कऱण्यात आला आहे.

पोलिसांनी दिलेल्या माहितीनुसार, फिर्यादी यांनी त्यांची 20 हजारांची दुचाकी गुरुवारी सकाळी सव्वा सहाच्या सुमारास नाशिक फाट्यावरील पुलाच्या खाली पार्किंगमध्ये पार्क केली होती. दरम्यान, दिवसभराच्या कालावधीत अज्ञात चोरट्याने त्यांची दुचाकी चोरून नेली.

पुढील तपास भोसरी पोलीस करीत आहेत.