वरिष्ठ पोलीस निरीक्षक स्वाती देसाई यांचे अल्पशा आजाराने निधन

पुणे: पुणे शहर पोलीस दलात कार्यरत असलेल्या वरिष्ठ पोलीस निरीक्षक स्वाती देसाई यांचे रविवारी रात्री अल्पशा आजाराने निधन झाले. पोलीस आयुक्तालयातील विशेष शाखेत त्या कार्यरत होत्या.

स्वाती देसाई यांनी जवळपास 25 वर्षे अधिक पोलीस दलात काम केले. काही वर्ष त्यांनी सीबीआयमध्ये प्रतिनियुक्तीवर काम केले होते. पुणे पोलीस दलातील आर्थिक गुन्हे शाखेत काही काळ काम केल्यानंतर त्यांची सहकारनगर पोलीस ठाण्यात वरिष्ठ पोलीस निरीक्षक म्हणून बदली झाली होती.

सहकारनगर पोलीस ठाण्यात कर्तव्यावर असताना त्यांनी चांगली कामगिरी केली होती. अनेक किचकट गुन्ह्याचा तपास त्यांनी पूर्णत्वास नेला होता.