पुण्याच्या मुंढव्याच्या हायस्पिरीट पबचा कारनामा, पार्टीत Condom आणि ORS चे वाटप

पुणे: नववर्षाच्या स्वागतासाठी आयोजित केलेल्या पार्टीत चक्क कंडोम आणि ओआरएच्या पाकिटाचे वाटप करण्यात आल्याचा प्रकार समोर आला आहे. पुण्यातील मुंढवा परिसरातील हायस्पिरीट या पबकडून ही पाकिट वाटण्यात आल्याची माहिती समोर आली आहे. पार्टीत पाकीट वाटण्यात येत असल्याचा व्हिडीओ सध्या सोशल मीडियावर प्रचंड वेगाने व्हायरल होत आहे.

कंडोम आणि ओआरएसची पाकिट वाटल्याचा व्हिडीओ व्हायरल झाल्यानंतर पबने या संदर्भात स्पष्टीकरण दिले आहे. तरुणांमध्ये जनजागृती व्हावी म्हणून पाकिट वाटल्याचा दावा पबकडून करण्यात आला आहे. या प्रकरणाची माहिती मिळताच पोलिसांनी पार्टीला जाणाऱ्यांचे जबाब नोंदवण्यास सुरुवात केली आहे. कंडोम वाटणे हा गुन्हा नाही असा दावा पबकडून करण्यात आला आहे.

नववर्षानिमित्त आयोजित केलेल्या पार्टीला जास्तीत जास्त ग्राहक आपल्याकडे खेचण्यासाठी वेगवेगळ्या कल्पना, ऑफर देत असतात. पुण्यातील या क्लबने देखील काही तर वेगळे करण्यााठ आणि जास्तीत जास्त गर्दी खेचण्यासाठी या पाकिटाचे वाटप करण्यात आले आहे. लोकांना सुरक्षेसाठी या वस्तू आम्ही वाटत आहे. यामध्ये सॅनटरी पॅड, कंडोम आणि ओरआरएस देण्यात आले आहे, असा दावा पबकडून करण्यात आला आहे.

सध्या या प्रकरणानंतर पबची जोरदार चर्चा आहे. सध्या पोलिसांनी पार्टीला येणाऱ्यांचे जबाब नोंदवले आहे. पोलिसांचे म्हणणे आहे की, कंडोम वाटणे हा कोणता गुन्हा नाही. कायद्यामध्ये देखील अशी कोणतीही तरतूद नाही. त्यामुळे पोलिस देखील या पार्टीवर नजर ठेवून आहे.

नव्या वर्षाचा स्वागत करण्यासाठी पुण्यातील महत्त्वाच्या ठिकाणी अनेक तरुणाई एकत्र येत असते. त्याचबरोबर हॉटेल पब अन्य ठिकाणी मोठ्या प्रमाणात पार्ट्या होत आहेत.त्या पार्श्वभूमीवर पुणे पोलीस सज्ज झाले आहेत. नवीन वर्षाचे स्वागत करत असताना कुठेही गैरप्रकार घडू नये यासाठी पोलिसांचा चौक पोलीस बंदोबस्त असणार आहे. त्याचबरोबर पब आणि हॉटेल पहाटेपर्यंत सुरू राहणार असले तरी त्या ठिकाणी कोणताही प्रकारचे गैरप्रकार होणार नाही याची काळजी ह़ॉटेल चालकांना घ्यावी लागणार आहे. अन्यथा पोलिसांकडून कडक कारवाई केली जाणार आहे.