लोहगाव: मटका अड्डयावर छापा बारा जणांना केले जेरबंद,सामाजीक सुरक्षा विभागाची उल्लेखनीय कामगिरी

लोहगाव: लोहगाव येथे एका मटका अड्डयावर छापा मारून पोलिसांनी 12 जणांना अटक केली आहे.( ही कारवाई मंगळवारी (दि. 6) पुणे पोलिसांच्या सामाजिक सुरक्षा विभाग गुन्हे यांनी केली आहे.

पोलिसांनी दिलेल्या माहितीनुसार, लोहगाव येथील हॉटेल यशच्या मागे पत्र्याच्या शेडमध्ये काही जण मटका खेळत असल्याची खबर पोलिसांना मिळाली. त्यानुसार पोलिसांनी छटनास्थळी छापा टाकून कल्याण मटका जुगार पैशांवर खेळणाऱ्या 12 जणांना अटक केली. त्यांच्याजवळून पोलिसांनी 20 हजार 70 रुपये जप्त केले. या बारा ही जणांविरोधात विमानतळ पोलीस ठाण्यात गुन्हा दाखल करण्यात आला आहे.

सदरची कारवाई सामाजीक सुरक्षा विभागाचे वरीष्ठ पोलीस निरीक्षक विजय कुंभार, पोलीस अमंलदार अजय राणे, प्रमोद मोहिते, पुष्पेंद्र चव्हाण या पथकाने केली.