लग्नाचे आमिष दाखवून वारंवार लैंगिक अत्याचार करत महीलेची फसवणुक, आरोपीविरुद्ध गुन्हा दाखल

भोसरी: लग्नाचे आमिष दाखवून एकाने महिलेवर वारंवार लैंगिक अत्याचार केले. हा प्रकार 13 फेब्रुवारी ते ऑगस्ट 2021 या कालावधीत घडला.  याबाबत 6 सप्टेंबर 2022 रोजी गुन्हा दाखल करण्यात आला आहे.

याप्रकरणी पीडित महिलेने भोसरी पोलीस ठाण्यात फिर्याद दिली आहे. त्यानुसार प्रदीप केशव गित्ते (रा. नंदागौळ, ता. परळी, जि. बीड) याच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपीने फिर्यादी यांना लग्नाचे आमिष दाखवले. त्यातून त्याने फिर्यादींसोबत वारंवार जबरदस्तीने लैंगिक अत्याचार केले. तसेच फिर्यादीला दुसरे कोणासोबतही लग्न करू दिले नाही. आरोपीविरोधात गुन्हा दाखल करण्यात आला आहे.

पुढील तपास सांगवी पोलीस करीत आहेत.