अट्टल चोरट्यांनी लॅच तोडून तीन लाख केले लंपास,चोरट्याच्या विरोधात गुन्हा दाखल

चिखली: प्राधिकरण चिखली येथे दरवाज्याचे लॅच तोडून चोरट्याने घरातून सोन्या चांदीचे दागिने रोख रक्कम असा एकूण तीन लाख पंधरा हजारांचा ऐवज चोरून नेला.

नितीन धोंडीराम फडतरे (वय 42, रा. राजे शिवाजीनगर प्राधिकरण चिखली) यांनी याप्रकरणी चिखली पोलीस ठाण्यात फिर्याद दिली आहे. त्यानुसार चोरट्याच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, फिर्यादी यांची बहीण सविता दशरथ शिंदे यांचे घर 29 ऑगस्ट ते सहा सप्टेंबर या कालावधीत कुलूप लावून बंद होते. त्यांच्या घराच्या दरवाज्याचे लॅच चोरट्यांनी तोडले आणि घरात प्रवेश करून घरातील सोन्याचांदीचे दागिने रोख रक्कम असा एकूण तीन लाख पंधरा हजारांचा ऐवज चोरून नेला.

पुढील तपास चिखली पोलीस करीत आहेत.